دعوتِ دین کو اپنی زندگی کا مشن بنا لیا ： دین محمد شیخ، جنہوں نے اسلام قبول کرنے کے بعد دعوتِ دین کو اپنی زندگی کا مشن بنا لیا,سندھ کے شہر مٹلی سے تعلق رکھنے والے معروف عالمِ دین دین محمد شیخ (سابقہ نام: جھنگلی) نے 1989 میں اسلام قبول کیا۔ اسلام قبول کرنے کے بعد انہوں نے اپنی زندگی دینی تعلیم، دعوتِ اسلام اور نو مسلم افراد کی رہنمائی کے لیے وقف کر دی۔

میڈیا رپورٹس کے مطابق دین محمد شیخ کا کہنا ہے کہ گزشتہ کئی دہائیوں کے دوران ان کی دعوتی کوششوں کے نتیجے میں ایک لاکھ آٹھ ہزار سے زائد افراد نے اسلام قبول کیا۔ انہوں نے یہ دعویٰ مختلف انٹرویوز میں بھی کیا ہے۔

رپورٹس کے مطابق وہ مٹلی میں ایک مسجد اور دینی ادارے سے وابستہ ہیں، جہاں نو مسلم افراد کو اسلام کی بنیادی تعلیمات سکھائی جاتی ہیں، رہائش میں مدد فراہم کی جاتی ہے اور انہیں معاشرے میں باعزت زندگی گزارنے کے لیے معاونت بھی دی جاتی ہے۔

اللہ تعالیٰ دین محمد شیخ اور تمام داعیانِ اسلام کی کوششوں کو قبول فرمائے، اور ہمیں بھی دینِ اسلام کو حسنِ اخلاق، حکمت اور اخلاص کے ساتھ پیش کرنے کی توفیق عطا فرمائے۔ آمین!